نصايح المفروسة عن تنظيف حائط منزلك بمنتهى السهولة

فى بيتى
نصايح المفروسة عن تنظيف حائط منزلك بمنتهى السهولة

 

كتبه/لمياء الراجحى


نصايح المفروسة النهاردة عن تنظيف حائط منزلك بمنتهى السهولة

تنضيف الحوائط ...
كيف تنظفى حائط منزلك بسهولة ومن غير ما تأثرى فى لون الدهان , موضوع تنضيف الحوائط وأنى أنظفها موضوع هام جداً,أولا الحياة اصبحت غالية ,ولا نستطيع تجديد الدهان باستمرار,وطبعا الآطفال ليس لهم علاقة بكل هذا هم فقط ما عليهم غير مسك القلم وبدء الفنون التشكيلية على الحائط , طب لو فيه شخبطه والوان نعمل ايه؟
اولا.. لو حائط عندك عليه أثر شخبطة أو مكان بصمات الايد او مكان ناموسه لزقتيها ع الحيطه ههههه او اى حاجه بسيطه تانيه حضرتك هتجيبى طبق وفيه شوية ميه وحبة بريل صغيرين مش اريال ولا اى مسحوق تانى ، بريل بتاع غسيل الاطباق عشان مافيهوش ماده مبيضه ولا كلور ، وتجيبى سفنجه او قماشه ناعمه وتمسحى الحيطه وياريت ماتركزيش ف التنضيف على مكان معين عشان هيبان بعد كده اختلاف الدرجات ف الحيطه يعنى حاولى تنضفيها كلها وبعدين تمسحيها بقماشه معصوره كويس وبعدين تنشفيها .
ثانيا .. لو الحيطه ولادك عاملين معاها الواجب وفاكرين نفسهم فان جوخ ومشخبطين بالالوان هتعملي ايه؟ الاول تمالكى اعصابك واهدى واعتبرى نفسك ماشوفتيش حاجه وبعدين هاتى قماشه وحطى عليها معجون اسنان وامسحى بالراحه وياريت تجربي الاول ف حته صغيره او مش باينه .
لو معجون الاسنان ماجبش نتيجه جربي الكحول بس بحرص شديييييد يعنى تحطى نقطتين على قماشه وطبطبى بيها على الشخبطه بالراحه وبعدين بقماشه ناشفه ونشفى.
وفيه ناس بتقول انها جربت منظف " جيف" بتاع الدهون وشكروا فيه جدا.
ولو كل الحاجات دى ماجبتش نتيجه يبقي تبيضي الحيطه وتريحى دماغك

 

0
التعليقات
2017, يناير 01
بدون اسم :
انا جربت معجون السنان كويس جدا فى التنضيف
اضف رد
لن يتم نشر البريد الإلكتروني
الإسم
البريد
الموقع