الزوجة الزنانة :أقتلها واخلص..تعال أقولك تقتلها بأيه..

الزوجة الزنانة :أقتلها واخلص..تعال أقولك تقتلها بأيه..


كتبه / لمياء الراجحى

الزوجة الزنانة مصدر أزعاج ليك مش كدة انت بقا داخل مفكرنى انى صحيح هسيبك تقتلها ,لالا ده بعينك ده هى اكبر عقاب لك اساسا عارف ليه؟لآنك انت اللى خلقت منها زوجة زنانة انت اللى مش بتلبى طلباتها ,انت اللى اهملت فيها خلقت منها انسانة زنانة من وجهة نظرك وطبعا ده اللى بتقوله لآهلك ودايما تتريق عليها مع اصحابك "أوووف دى زنانة" تعرف ان معظم الدراسات أكدت ان الزوجة الزنانة زوجها انسان كسول جدااا ,نعم حضرتك السبب وتعالى كدة نشوف الست الغلبانة اللى بتزن دى بتزن ليه وعشان ايه :

اولا غسالتها باظت تلاجتها مش بتسقع اللمبة اتحرقت يعنى احتياجات هامة وضرورية بالله عليه هتلجأ لمين غيرك ولما تسيبها تغسل على ايدها لآن سيادتك بتيجى تعبان مش فاضى تصلح او مش فاضى تجيب حد يصلح وطبعا هنا اصبحت هى الملامة لآنها زنانة هى اللى غلطانة ما تصبرى يا ستى لما يتعطف ويتكرم وتجيله الفوقة ويصلحلك حاجتك متبقيش زنانة!!

ثانيا :اللبس لما تقولك والله العيد قرب وعايزين نجيب اللبس للاولاد قبل الزحمة وكالعادة طبعا والرد اللى جاهز اصبرى شوية طب خليها أخر الشهر لما أقبض طب اصبرى على بالليل لالا خليها فى النهار!  وتفضل هى تتفقع مرارتها عشان سيادك تتكرم وتنزل معاها تجيب لبس العيد.

على فكرة انت اللى بتخلق منها انسانة زنانة بأهمالك وكسلك لو بتلبيلها طلباتها عمرها ما تبقى زنانة ,بطل تقول عليها زنانة لآنك انت السبب انت اللى خلتها كدة انت اللى بأهمالك وكسلك عن تلبية طلباتها خلقت منها أنسانة زنانة لا تطاق.لبى طلباتها وبطل كسل هتقتل الزنانة اللى جواها.وهو ده السلاح الوحيد لآقتل الزنانة بطــــــــــــــــــل كســـــــــــــــــــــل.  .

ما رأيك؟

free hit counter code