مش عيزاه يبص برة أذا أعلنى الحرب عليه؟

مش عيزاه يبص برة أذا أعلنى الحرب عليه؟

كتبه /لمياء الراجحى

 الحب جميل جداا والأجمل انك تتجوزى اللى بتحبيه,جوزك هو  حياتك روحك كيانك ,عشان يسعدك لازم انتى كمان تسعديه سيبك بقا من الكلام اللى بتسمعيه على الآنترنت وفى التلفزيون ومن ماما سيبك من ده كله أنتى بتحبيه صح ردى عليا صح؟!!اذا الآجابة أه كملى معايا أما لو الآجابة لآ من فضلك الموضوع مش ليكى..الحب أحتواء أنتماء تضحيه حبيه أوووى واديله كل ما عندك من  حب وحنان وعطف هو عيب؟ لا والله ما عيب ,فى ستات بتبقا واخدة بالها من نفسها جدااا ميكاب لبس كل حاجة تتخيليها بس جوزها أول لما بيشوفها بيبقا عاوز يرجع تانى عارفة ليه؟ عشان هى عاملة كل ده لنفسها مش ليه بتثبتله أن أنا كتير عليك شوف أنا عاملة أزاى ..مش بتقدمله ده عن حب وبعدين تكشيرة وشها وهو داخل تقطع الخميرة من البيت عارفة هو شايفها أزاى كد اهو:

نتيجة بحث الصور عن دلعى جوزك

أه والله ههههههههه على الرغم اللى هى عملاه ده كله بس هو مش حاسسها لكن لو مقابلة حلوة وضحكة رقيقة واسأليه عن أحواله وأول ما تشوفيه وحشتنى يا حبيبى ,..أوعى تملى منها أو تقولى خلاص بقا هو احنا مخطوبين لآلالا اوعى قوليهاله فى كل وقت أبعتيهاله مسج وهو فى شغله صدقينى بتفرق معاه جدااا عبرى عن حبك لجوزك من غير خجل وطورى من نفسك دايما وشوفى بيحب أيه وحبيه ,بيحب يتفرج على متش  كورة ,متلويش بوزك وتسيبه او تنكدى عليه تخليه ينزل يسمعه على القهوة, لا اتفرجى معاه وشركيه وهاتى لب وحاجة ساقعة وعيشى اللحظة معاه المسلسل ممكن تشوفيه اى وقت من على الانترنت لكن اللحظة الحلوة مع جوزك متتعوضش..

نتيجة بحث الصور عن دلعى جوزك

هتيله هدية رقيقة مش لازم تستنى عيد ميلاده عشان تجيبى هدية  لو بوردة هيفرح جداا.

نتيجة بحث الصور عن دلعى جوزك

مش لازم تستنى عيد جوازك عشان تعملى ليلة رومانسية لا جددى باستمرار  حياتك ومتخليش للرومانسية ميعاد ,وقت ما تحسى انك عايزة تقوليله بحبك قوليها فورا وبدون تردد حتى لو هو فى الشغل ابعتيهاله حبى فى كل وقت حاصريه بحبك من غير ما تخنقيه لا حوطيه بحبك برومانسيتك بحنانك

نتيجة بحث الصور عن دلعى جوزك

بلاش الآسئلة الكتير الى هى كنت فين ,بتكلم مين,انت صوتك واطى ليه فى التليفون أه اكيد كنت بتتكلم عليا ,كل ده ملهوش لازمة هو لو بيعمل غلط هيخبى عليكى وعمرك ما هتعرفى برضوا ,شطرتك انك متوصلهوش لده قوليله اللى محتاج يسمعه وريله اللى محتاج يشوفه خليه دايما قصاد عينك وجوة قلبك خليكى انثى معاه لابعد حد دى منطقتك دى ساحة الحرب بتاعتك اوعى تدخلى أو تسمحى لآى واحدة تشاركك فيها ومتسمعيش كلام حد أى حد لا ماما ولا صحبتك ولا خالتك ولا اى اى حد انتى تشوفى جوزك بيحب ايه وتعمليه واللى بيكرهه فيكى وميحبش انك تعمليه متعمليهوش لا هو عيب او حرام او حتى فيه اى أهانة ليكى بالعكس انتى بتحافظى على جوزك على حبك. 

صورة ذات صلة

وبلاش تسلطى ولادك عليه متحسسهوش انه مخلف كائنات

فضائية,وهو بيبقا فاهم انك مسلطاهم على فكرة

نتيجة بحث الصور عن دلعى جوزك

بلاش يشوفك بلبس البيت دائما طورى من نفسك خلصتى شغل البيت خدى شور وأتمكيجى وعطرى المكان واستنيه وبعد الآكل أدخلى خدى شور تانى والبسى حاجة تانية ولو فيه اولاد البسى روب او البسى شئ حلو وملفت برضه ولما تدخلى اوضة النوم البسى حاجة تانية مختلفة بتسريحة شعر مختلفة صدقينى تجديد حياتك باستمرار مع جوزك بتخلق حالة من السعادة والبهجة وبتبعد الملل عنكم وعن حياتكم عيشى وعيشيه معاكى أحلى ايام عمركم اليوم اللى بيفوت مش هيجى غيره أستغليه صح فى أسعادك وأسعاد شريك حياتك.

كونى له عاشقة لا زوجة..

نتيجة بحث الصور عن دلعى جوزك

ما رأيك؟

free hit counter code