بالصور عارضات الآزياء مش أحلى من مراتك..

بالصور عارضات الآزياء مش أحلى من مراتك..

كتبه /لمياء الراجحى

 

لى بنت جارتى متجوزة جديد أمورة جدااا وعندها من خفة الدم والروح الحلوة مش عند ناس كتير , فى يوم جاتنى البنت دى بتشكيلى من زوجها انه بيعايرها بعارضات الآزياء والممثلات وخصوصا الاجانب  ,تعجبت جداا وسألتها يعنى ايه بيعيرك !!انتى امورة ماشاء الله ولسة عروسة جديدة !!قالتلى انه غاوى اووى يتفرج على عارضات الآزياء ومحمل على تليفونه صورهم وعايزنى 24ساعة اكون زيهم عايز يصحى من النوم يلاقينى عاملة ميكاب كامل لابسة متشيكة و انا فى المطبخ وانا قاعدة معاها بتقلى انا بحاول بس غصب عنى انا صاحية من النوم هلحق اعمل ميكاب كامل امتى ولما اقله كدة , يفضل يقولى كلام يجرحنى زى انا اتخدعت فيكى ,وساعات يقولى انتى فلاحة روحى شوفى البنات بتعمل ايه,فى الحقيقة انا اتضيقت قوووى وزعلت عشانها فطلبت منها تقوله انى عزماهم على الشاى عندى وفعلا وصل العريس ولاقيتها جاية معاه وعاملة ميكاب كامل وكأنها رقاصة رايحة تحي حفلة,أثناء ما بنشرب الشاى تعمدت أترك اللاب بتاعى مفتوح على سيرش جوجل عارضات الآزياء بدون مكياج وطلبت منهم يتصفحوا الصور على ما احضر الحلو, وفعلا أخد باله وفهم انها حكتلى وحسيت انه اتكبس واتكسف بس بقا يبصلها اوووى قلتله بهدوء أه هى قالتلى ولازم تفهم ان البنات اللى عقلك طاير بسببهم دول مجرد موديل يعنى عرض فقط لكن فى بيتها انسانة عادية جداا. غير ان معظم صورهم فوتوشوب صدقنى مراتك اجمل منهم بكتييير بلاش تخنقها وتحسسها انهم احسن منها وده مش صحيح بلاش تجرح مشاعرها على حاجة انت متوهمها بس فى خيالك ,وبنفسك شفت صورهم ها بذمتك من غير ميكاب مين احلى؟ مش مراتك حبيبتك انت فرحان وانت ماشى بيها كدة شبه البلياتشو وكل واحد يتفرج عليها؟ فرحان وهى عرض ولو اعترضت تقولها فلاحة!!الحمدلله اقتنع طبعاا وعرف ان معاه ملاك وجوهرة بتاعته هو وبس مش لازم تكون عرض للكل وانها مش عارضة أزياء علشان تمشى فى الشارع وطول هو ما شايفها او عينه تقع عليها تكون فى كامل هيئتها ,أقتنع ان كل الستات اللى بيشوفهم فى التليفزيون او على الانترنت مجرد صور وهمية لشد الانتباه مش اكتر لكن فى بيوتهم وفى الواقع حاجة تانية ,والحمدلله نسى الموضوع ده خالص واهتم بمراته وتفاصيلها وشاف الجميل اللى فيها اللى كان مش واخد باله منه اصلا ..ودى رسالة لكل شاب او كل زوج موهوم بعارضات الآزياء او الممثلات, دى انسانة عادية جدااا بتاكل وبتشرب بتفرح وبتزعل بتتطخن وبتخس ممكن جداا تكون الانسانة اللى معاك من غير فوتوشوب ومن غير ميكاب احلى واجمل منهم بكتييير حافظ على اللى معاك وخد بالك منها خدبالك قووووى هتلاقيها احلى واحدة فى الدنيا.

وأدى الدليل أهو وبالصور:

نتيجة بحث الصور عن عارضات ازياء بدون مكياج

نتيجة بحث الصور عن عارضات ازياء بدون مكياج

نتيجة بحث الصور عن عارضات ازياء بدون مكياج

صورة ذات صلة

صورة ذات صلة

صورة ذات صلة

ما رأيك؟

free hit counter code