الى كل زوج يفعل ذلك بزوجته ..عليك من الله ما تستحق.

الى كل زوج يفعل ذلك بزوجته ..عليك من الله ما تستحق.

 كتبه/لمياء الراجحى

 

دخلت جرى تشوف ليه عارف نفسك ؟؟حاسس انك ممكن تكون واحد من الازواج دول ؟هوانت صحيح منهم انت صحيح مقصر فى شئ مع زوجتك ؟زمان قالوا فى الامثال من قال لمراته يا عورة لعبوا بيها الكورة,والنهاردة انا بتكلم فى النقطة دى بالذات والأزواج اللى دايما يسخروا من زوجاتهم ويقللوا من شأنهم فى أى مكان وقدام اى حد,لا وكمان دلؤتى ماشاء الله بقا على صفحات مواقع التواصل الآجتماعى ,تبص تلاقى الزوج من دول انا حبى الاول مش قادر انساه يلا اهى اللى معايا نستنى حتى نفسى من كتر النكد,ولا التانى يخربيت الجواز وسنينه اوعى تتجوز يبنى ده الجواز ده مصيبة,واللى يقولك انا رومانسى اووى بس مراتى ملهاش غير فى البصل,يا أخى اتقى الله فيها وفى مشاعرها حرام عليك انت متعرفش انك بدمرها نفسيا بكلامك,وانك بتسمح لواحد تانى فى قلبه مرض انه يحاول يعوضها عدم احساسك بيها ؟؟ اه يا فندم ده بيحصل هو حضرتك لما تقعد تتكلم على صفحتك عليها بالشكل ده انت كدة بتقلل منها وفى نفس الوقت بطمع ناس تانية فيها لانك فى نظرهم مش راجل لآنك لو راجل مش هتتكلم على مراتك وتجرحها بالشكل ده وعلى العلن فى حاجة بينك وبينها او حاجة مضيقاك يبقا فى بيتك بينك وبينها وبس مش تفرج عليها الناس اتقى ربنا فيها, وخد بالك من حاجة تانية انت بتعملها وبتجرح مراتك بيها جدااااا , البنات اللى انت بتكلمهم ليل نهار دول, ليهم اهل بردوا  وداين تدان على فكرة, حاسب اووى وانت بتعامل بنات الناس عشان "من احتك فى حيطة الناس الناس احتكت فى حطه" وده برضه مثل قديم بس بيقولك خد بالك وانتبه من بنات الناس وحافظ عليهم عشان ربنا يحافظ على اختك وبنتك ومراتك وامك

وافتكر دائما أن بكلمة حلوة وهدية جميلة هتكسب قلبها اوعى تكون المشنقة اللى تخنقها وترجع تشتكى منها خليك رحيم بيها دى مش بس مراتك دى ام ولادك وخليك فاكر دايما ان بايدك تكون مراتك ملكة وضحكتها متفرقش وشها وبأيدك تخليها كئيبة حزينة وكأنها مسنة فى اواخر العمر,انت اختار عايز مراتك يكون شكلها مين فيهم؟؟

ما رأيك؟

free hit counter code