بوز البطة للسلفى مش لجوزك!!

بوز البطة للسلفى مش لجوزك!!

 

كتبه/لمياء الراجحى

 

بوز البطة للسلفى مش لجوزك!! بوز البطة للسيلفى مش لجوزك يا امى والله انتى فاهمة الموضوع غلط يعنى الراجل يا حرام يبقا جاى من الشغل تعبان وهلكان ويدخل يلاقى بوز البطة ده

فى وشه لا اله الا الله فيه ايه ده قليل والله لو ما طفش من وشك ,وبعدين بقا ساعات تبقى زعلانة من حاجة معينه هو عملها, قوليله يا حبيبتى قوليله انا زعلانة عشان انت ضايقتنى من كذا احسن ما تضربى بوز البطة طول النهار, وهو قاعد لاحول له ولا قوة ولا فاهم فيه ايه ولا عارف انتى بتعملى ليه كدة من اساسه, قوليله يا حبيبى يا بيبى (اخدتى بالك من بيبى دى) قولى ياروحى انت اتأخرت ليه ,او لو مزعلك مثلا انه كان بيتوشوش فى التليفون ..حبيبى قولى بقا كنت بتكلم مين, مش تقومى داخلة على الراجل زى القطروتحدفى الدبش كالمعتاد: قولى يا بابا قولى يا خويا كنت بتكلم مين بدل ما اخليها ليلة سودة. يااالهوى ده الراجل ممكن تجيله ساكتة قلبية فيها , براحة يا حبيبتى بهدووووء وفكرى واستعيذى كدة من الشيطان الرجيم وبعدين اساليه براحة وبهدوووء والله هتفرق معاه كتير خليكى رقيقة حولى طلعى مجهودك اللى بتتفننى فيه ازاى تنكدى عليه, فى ازاى اسعده واسعد نفسى بحياه هادية بعيدة عن المشاكل . جربى صدقينى هتفرق معاكى ..وبلاش بوز البطة ده ماشى ..باى يا موزة

ما رأيك؟

free hit counter code