الحق يا جدع لاقينا طائرة تجسس !!

الحق يا جدع لاقينا طائرة تجسس !!

 

كتبه /لمياء الراجحى

اليومين اللى فاتوا انتشر خبر  العثور على طائرة تجسس فى احدى قرى الريف بين الاراضى الزراعية انا مش هدخل فى تفاصيل لأن معظمنا شاف الخبر او ممكن بمنتهى السهولة يعمل سيرش على جوجل ويجيب الخبر ويشوف تفاصيله انا بس بستغرب على الخبر اللى قامت وقعدت اكبر مواقع الاخبار بسببه للدرجادى احنا بقينا بالساذاجة دى للدرجادى اصبحنا ننشر وخلاص وزى مايكون مواقع الاخبار ما بتصدق تلاقى خبر تعمل بيه ضجة وطبعا نسبة زوار واعلانات تزيد مش مهم منظرنا ايه قدام العالم الخارجى وازاى الناس دى بجد بتضحك علينا وبتسخر مننا ,الحق يا جدع لاقينا طائرة تجسس !!طائرة تجسس ايه يا ناس فيه ايه واحد ربنا كرمه جاب لآبنه طيارة بريموت حديثة وهو بيطيرها وقعت وسط الغيطان معرفش يجبها ,بقت طيارة تجسس طب الراجل اللى لاقاها غلبان ومش فاهم طب والقسم والظابط مش عارف يفرق مابين ان كانت دى طيارة تجسس ولا طيارة لعبة ؟؟ بجد اهو ده اللى بيسموه هم يبكى وهم يضحك !! ارحمونا شوية يا جماعة احنا مش لوحدنا فى العالم احنا 24ساعة تحت المنظار, العين علينا وزى ما بنقول مصر ام الدنيا لازم تكون ام الدنيا فى كل حاجة مينفعش نضحك العالم علينا بالطريقة دى عشان نسبة زوار او زيادة اعلانات؟؟

ما رأيك؟

free hit counter code